¿En qué somos intelixentes?

      Esta semana na clase de Destrezas Sociais, vimos como foi evolucionando o concepto de intelixencia e pareceunos un tema interesante sobre o cal reflexionar.

    Tradicionalmente, entendíase a intelixencia como un concepto único: lingüística e lóxico-matemática.

Para medir esta intelixencia realizábanse test; test que realmente só medían os coñecementos aprendidos ata ese momento e non a capacidade de aprender de cada persoa. Éstes marcaban o teu coeficiente intelectual. Ata ese momento críase que a intelixencia estaba definida, en maior parte, polos factores herdados xenéticamente.

 

     No ano 1983, Howard Gardner cambiou este concepto e creou a teoría das intelixencias múltiples; define a intelixencia como a "capacidade de resolver problemas ou elaborar produtos que sexan valiosos nunha ou máis culturas" e propón a existencia de sete tipos desta:

 

• Lingüística.
• Lóxico-matemática.
• Espacial.
• Musical
• Naturalista.
• Corporal-cinestésica.
• Emocional (intrapersoal e interpersoal)

 

Podemos definir este último tipo de intelixencia como "a capacidade para recoñecer os propios sentimentos e os alleos, así como a habilidade para saber manexalos"

 

     Afortunadamente, hoxe en día, unha persoa non é intelixente só por posuír coñecementos de lingua, matemáticas ou ciencias, senón que tamén o pode ser sendo bó na música, nalgún deporte, nas relacións interpersoais, intrapersoais...

 

 

Todos somos intelixentes, só temos que descubrir en qué.

 

 

 Tania Calvo.

Tania Labandeira.